మేము ప్రతిజ్ఞ చేయునదేమనగా..

పరలోకపు ప్రతిజ్ఞ

• దేవుడే నా తండ్రి! పరలోకమే నా దేశం!!
• నా శాశ్వతమైన పౌరస్థితి పరలోకమందున్నది, దానిని నేనెల్లప్పుడూ జ్ఞాపకముంచుకుంటాను.
• ప్రపంచ ప్రజలందరూ నా సోదర సోదరీమణులు.
• నా దేవున్ని, నా తల్లిదండ్రులను మరియు పెద్దలందరినీ ఎల్లప్పుడూ నేను గౌరవిస్తాను.
• కుల, వర్గ వివక్షను, అంటరానితనాన్ని ద్వేషించి, నన్ను ప్రేమించువారిని మాత్రమే కాక, నా శత్రువులను కూడా నేను ప్రేమిస్తాను.
• పర్యావరణాన్ని కాపాడుతూ, పశుపక్ష్యాదులపట్ల దయ కలిగి ఉంటాను.
• శరీరాశ, నేత్రాశ, జీవపుడంబములను అసహ్యించుకుని, దేవుడిచ్చిన శరీరంతో సత్క్రియలు చేస్తూ, నా అవయవములను నీతికి సాధనములుగా మాత్రమే వినియోగిస్తాను.
• అపవాది తంత్రములనుండి దీనులైన ప్రజలను రక్షించుటకు, దేవుని వాక్యమనే ఆత్మఖడ్గమును చేతబట్టి, ఒక సైనికునివలె నా జీవితమంతా పోరాడతాను.
• తండ్రియైన నా దేవుని ప్రేమించి, రక్షకుడైన యేసుక్రీస్తును ధరించుకుని, పరిశుద్ధాత్ముని సహకారముతో న్యాయముగా నడచుకొందునని ప్రతిజ్ఞ చేయుచున్నాను.
• దేవుని సంతోషమే నా ఆనందానికి మూలం మరియు విశ్వశాంతికి కారణం!